Paghanaw | |
---|---|
![]() | |
Ibang ngaran | Paghugas sa kamot, hand hygiene |
An paghanaw iyo an akto nin paglinig sa mga kamot kan sarong tawo gamit an sabon o handwash asin tubig tanganing mahale an birus/bakterya/mikroorganismo, ati, grasa, o iba pang mga nakakadanyar asin dai magugustuhan na sabstans na yaon sa mga kamot. An pagpamara kan mga hinugasan na mga kamot iyo an parte kan proseso nin huli ta an basa asin alumahad na mga kamot iyo an urog na madaling magkaigwa giraray nin bakterya.[1][2] Kun mayong sabon asin tubig, an hand sanitizer na at least 60% (v/v) na alkohol sa tubig na pwedeng gamiton sagkod sa an mga kamot bakong grabeng ati o magrasa.[3][4] An hygiene sa kamot iyo an sentro sa pag-ibitar sa paglakop kan mga helang na nakaka-impeksyon sa laog kan harong asin sa aro-aldaw na pamumuhay.[5]
Pigrekomendar kan World Health Organization an paghugas sa kamot sa haros 20 segundos bago asin pagkatapos gibohon an sarong aktibidad.[6][7] Kabali digdi an limang kritikal na oras durante kan aldaw kun nuarin naghugas nin kamot gamit an sabon iyo an importante tanganing mainaan an transmisyon kan helang sa paagi kan udo pasiring sa nguso: pagkatapos gumamit kan indoro (para sa pag-ihi, pag-udo, hygiene sa pagregla), pagkatapos maglinig kan lubot kan sarong umboy (pagsalida kan lampin), bago magpakakan sa umboy, bago magkakan asin bago/pagkatapos mag-andam nin kakanon o pagkapot nin hilaw na karne, sira, o manok.[8]
<ref>
tatak; mayong teksto na ipinagtao para sa reperensiya na pinagngaranan na Huang2012
© MMXXIII Rich X Search. We shall prevail. All rights reserved. Rich X Search